Salta al contenuto

Curiosi e Bauchi

Qua xe ora, xe tempo de tirare on sasso
e dire parole vere a le teste de casso
che sensa mestiero le fa confusion,
le confonde l’oro par fero sludron.

No serve conossare l’attore de ste fole qua
e sercarlo nei bar o in volta al marcà.
Xe mejo svejarse e capire le grame rason
che star fermi de cao, come on vecio paron.!

Go capie, piassaroti le vostre lagnanse.
El scheo no xe pumi, toci o naranse.
(l’autor lo conossarissi, magari par onorarlo
ma tuti sa, ca lo vorissi in man, par fustigarlo).
Insomma volì savere, cussì…par spiociarlo.

A pilustrare vivo on cristian ghe vole gnente
Basta la cattiveria dei pioci, la xe potente !
Arquanta marogna fa’ l’ignavia de-i-gnoranti
che vole comandare al mondo e a tuti quanti.

Chi saralo donca el Tejo ?
Xe vero, no xe on conejo.
On omo stimato, che ben conosse e sa
la piassa, e la marcansia che se offre qua !
Ma serchè pure Eccelvin da Monastero
che nessuni pole dire de conossare quelo vero.

Sioroti, sapiè, la poesia xe de tuti
valtri capirè no la xe par tuti…
Tejo caro scappe via
Qua i ne brusa la boaria !
I brusa el savere che mai gavarà !
la so’ vita xe piassa, el mondo xe el marcà !

GIOVENTÙ FORTE E FIERA, ARLEVE ’ LA SAPIENSA
A CHI NO VOLE CRESCERE, FOLEGHE LA COSCIENSA !

Mi sto co L’OMO, so’umanista.

nell’immagine: Senza Titolo di Antonio Montariello 

126
Published inPoesia