Salta al contenuto

il Palù

El nostro Palù

Ghio mai visto el Palù te on giorno estivo
da in zima al pontesel de la Degora ?
Se ga l’idea ch’el sia on presepio vivo,
tuto fiorìo de gente che laora.

Che belo quando, ai primi dì de agosto,
de le bietole taca la consegna!
De qua i le taja e là i le mucia a posto
e par quasi che i zuga zerovegna.

Chi va col rafugnin par la stradela,
chi riva co la sporta e col fazzolo…
Aòoo…la cuca de le oto. Na putela
la destira so l’erba el toajolo.

Go in mente oncor, co jerimo tusiti,
l’odor de la polenta brustolà,
e ‘l codeghin s’on mucio de coliti,
le onge tute quante impaltanà.

Qualcuno de cao, se taca a la pajola (fiaschetto in paglia)
e‘l sta fermo come un monumento,
vardando el zielo e , prima ch’el ch’el ghe mola,
te fè tempo contare fin a zento.

E zà che parlo del Palù, stè atenti:
me par de ver sentìo meza parola
che i vol cambiarlo in tanti apezamenti
con fattorie e… so santola in cariola!

La sarìa la pì granda balossada,
par dàrgane a uno tòrgane a do tre?
Sgnacare i poariti so na strada?
Alora sì che nemo avanti indrè.

Zerte robe xè bele in teoria,
magari in bona fede democratica,
ma el pan che ghè e doman no ghe saria
par quei del Borgo l’è na roba pratica.

Savìo parchè ‘l Palù produse grani,
fasoi, pagnoche,bietole e crosete?
Lo ga cunzà el suòr par tanti ani
de le nostre fameje poarete!

Xè cossì belo! Ognuno ga el so toco:
va ben, no l’è tuto sto gran chè,
ma proprio gnente saria massa poco
e saco vodo no sta miga in piè.

Q uesto xè quel che in pòvare parole,
el Borgo manda dire al Munizìpio;
che se ‘l Comun vol fare quel ch’el vole,
a semo seco-tera t’in prìnzipio.

Nani del Borgo

60
Published inPoesia